ཕོ་བའི་མེ་དྲོད་ཀྱིས་ཟས་སྐོམ་རྣམས་ཚུལ་བཞིན་མ་ཞུ་བའི་རྐྱེན་གྱིས་བད་ཀན་བེ་སྣབས་འཕེལ་ཞིང་། དེ་དག་རླུང་གིས་སྒྲིལ་ནས་ལྷེན་སྣའི་འོག་ཏུ་ཆགས་པ་ལ་ལྷེན་སྐྲན་ཞེས་བྱའོ། །

ངོ་བོ་ཁ་ཟས་ཀྱི་དྭངས་མ་མ་ཞུ་བ་མཆིན་པར་གནས་པ་དེ་ཟུངས་སུ་མ་གྱུར་བར་དྭངས་སྙིགས་འདྲེས་པའི་ཆུ་སེར་ཆེར་འཕེལ་བ་ཁྱབ་བྱེད་རླུང་གིས་ལུས་ཀུན་ཁྱབ་པར་གཏོར་བ་ལས་བྱུང་བ་ཞིག་ཡིན།

མ་ཞུ་བ་ནི་ཕོ་བའི་མེ་དྲོད་གསུམ་གྱི་མཐུ་ཉམས་ནས་ཟས་སྐོམ་གྱི་རིགས་མྱག་བཞུ་ལེགས་པོ་མ་བྱུང་བས་དྭངས་སྙིགས་འབྱེད་མ་ནུས་པར་གྱུར་བའི་ནད་ཀྱི་མིང་།