དེ་ནི་ཟས་སྤྱོད་མི་མཐུན་པ་དང་ནད་གཞི་བཅོས་ཉེས་པ་ལས་ལུས་ཀྱི་ཆུ་སེར་རྒྱས་ཏེ་རླུང་གི་གཏོར་ནས་ཐ་མར་དོན་ལྔའི་རྒྱལ་བོ་སྟེ། སྙིང་གི་གྲུབ་ཆའི་ཆ་ཤས་ལ་ནད་འགྱུར་བྱུང་སྟེ་སྙིང་ལ་ཆུ་སེར་ཞུགས་པའི་ནད་ཅིག་རེད།

སྙིང་ལ་བད་ཀན་ཞུགས་ནས་ཤེས་པ་འཐིབ་ཅིང་ཉོབ་པ་དང་རླུང་ཁྲག་གི་རྒྱུ་བ་ཇེ་ཞན་དུ་འགྲོ་བའི་ནད་ཅིག་ཡིན།

ཆང་རག་བསྟེན་དྲགས་པ་དང་ཆམ་རིམས་དུས་ཡུན་རིང་པོར་གསོ་བཅོས་མ་བྱས་པ་སོགས་ལས་ཚ་བ་སྙིང་ལ་བབས་པའི་ནད་ཅིག་ཡིན།

སྙིང་འཕྱོས་ནི་མྱ་ངན་དང་ཞེ་སྡང་དྲག་པོ་སོགས་ཀྱིས་གྱེན་རྒྱུ་རླུང་འཁྲུགས་པར་བྱེད་ནས་དྲན་པའི་དབང་བོ་མི་གསལ་བར་གྱུར་པའི་ནད་ཅིག་ལ་ཟེར།