༄༅།། མེ་བཙའི་ལག་ལེན།
ཡོང་ཁུངས། ཟིན་ཏིག | ཀློག་གྲངས།
མེ་བཙའ་ནད་སྤྱི་ལ་དོན་སྣོད་སོགས་སོ་སོའི་སྲང་རྣམས་དང་། རྩ་འཁྱུག་ལ་རྩ་ནད་གར་ལངས། རླུང་ཁྲག་འཐབས་པ་སོགས་ཕྱིའི་གཟེར་མིག་ཚབ་ཆུང་མནན་ན་ཕན་པ་ལྟར་སྣང་ཞིང་མཐེབ་རྗེས་འབྱུང་བ་རྣམས་ལ་དེ་གར་མེ་བཙའ་གདབ་རུང་། མི་བཙའ་ཆེ་ཆུང་ཚད་དང་སྦྱར་ཚུལ་རྒྱུད་ནས་གསུངས་པ་ལྟར་ལས་གང་བྱུང་བྱས་ན་དམན་ལྷག་གི་ཉེས་པ་སྐྱེད། མེ་བཙའི་དམ། མར་ནག རྒྱུངས་པ། སྒོག་པ་གསུམ་སྦྱར་བ་དགོས། མེ་བཙའ་མང་པོ་དུས་གཅིག་བཞག་སྐབས་སྔ་མའི་སུམ་གཉིས་ཚིག་རྗེས་གཞན་གཅིག་སྦར་ནས་རྒྱུན་མི་འཆད་པ་གལ་ཆེ། མེ་ཤི་རྗེས་མཐེབ་རྒྱས་མནན་ལ་གོམ་པ་འགའ་རེ་འགྲོར་གཞུག དེ་ནུབ་ཆུ་གྲང་མི་བཏུང་། ཕོ་བ་སོགས་སྣོད་དུ་ཟས་ཟོས་རྗེས་མེ་མི་གདབ་པ་གནད་ཡིན་ནོ།།
