མ་ཞུ་བ་ནི་ཕོ་བའི་མེ་དྲོད་གསུམ་གྱི་མཐུ་ཉམས་ནས་ཟས་སྐོམ་གྱི་རིགས་མྱག་བཞུ་ལེགས་པོ་མ་བྱུང་བས་དྭངས་སྙིགས་འབྱེད་མ་ནུས་པར་གྱུར་བའི་ནད་ཀྱི་མིང་། གློ་བུར་དུ་མང་ཟ་མང་འཐུང་བྱེད་པ་དང་། ཡང་ན་རྗེན་པ་དང་། བཙོག་པ། མ་འཚོས་པ། གྲང་མོ། རུལ་སུངས་སུ་ཕྱིན་པ་སོགས་འཇུ་དཀའ་བའི་ཟས་སྐོམ་རིགས་བསྟེན་དྲགས་པ་དང་། ཟས་སྔ་མ་མ་ཞུ་ཕྱི་མ་ཟོས་པ། ལུས་ཁམས་འཁྱགས་པ། ལུས་ཁམས་ཀྱི་བསྒུལ་བསྐྱོད་ཆུང་དྲགས་པ། སྒྱིད་ལུག་ཅིང་ལུས་ལྕི་ལ་ཡི་ག་སྔར་ལས་ལྡོག་པ། དྲི་མ་འགགས་གམ་ཡང་ན་དུས་མིན་འབྱུང་པ། འོག་རླུང་ཐོན་དཀའ་བས་འཁྱིལ་ཞིང་ཁོང་པ་སྦོ་བ་དང་། སྐབས་སུ་འགྱིངས་རྗེས་བོངས་ཆེར་འཁྲུ་བ། དྭངས་མ་དང་སྙིགས་མ་འདྲེས་པས་བཤང་གཅི་ཞག་ཅན་འབྱུང་བ། ཁ་ཟས་གང་ཞིག་ཟོས་དུས་ན་ཞིང་སྒྲེག་པ། མགོ་བོ་ན་བ་སོགས་འབྱུང་བ་ཡིན།
སྤྱིར་མ་ཞུ་གསར་བའི་རིགས་ཀྱི་རྩ་ནི་རྩ་རྒྱུད་སྦོམ་ཞིང་མཁྲང་བ་དང་། མ་ཞུ་རྙིང་པར་རྩ་ཤེད་ཆུང་ཞིང་རྩ་རྒྱུད་ཕྲ་བ་དང་།
དྲི་ཆུའི་ཁ་དོག་དམར་སེར་ཅན་ལ་སྤྲིས་མ་མཐུག་པ།
ཞིབ་ཏུ་མནམ་ཚེ་ཟས་ཀྱི་བྱེ་བྲག་གང་ཞིག་མ་ཞུ་བ་དེའི་དྲི་ངད་ཅུང་ཟད་ཚོར་བ། ནད་འདི་ཡུན་འགོར་བ་དང་སྨན་དཔྱད་དུས་ཐོག་ཏུ་མ་འབྱོར་བ་བཅས་ཀྱི་རྐྱེན་གྱིས་ལུས་ཀྱི་སྟོབས་དང་ཕོ་བའི་མེ་དྲོད། ལུས་ཀྱི་དྲོད་གང་ཡང་ཆུང་བ་དང་རྒྱུ་རྐྱེན་བསིལ་བའི་ཟས་སྤྱོད་དང་བསིལ་བའི་སྨན་དཔྱད་ཐལ་དྲགས་པ་བསྟེན་པའི་ལོ་རྒྱུས་ཡོད་ན་ནད་འདིར་ངེས་ཏེ། གོང་གི་བད་ཀན་ལྷེན་དང་ལྕགས་དྲེག་ལས་ཚབས་ཆེར་ཕྱིན་ཡོད་པ་ཞིག་རེད། མེ་དྲོད་ཀྱི་མཐུ་ཆེར་ཉམས་པས་ཟས་འཇུ་བའི་སྟོབས་ཞན་ཅིང་གང་ཡང་མ་སྨིན་པར་ཐུར་དུ་འཁྲུ་བ། འཁྲུ་བ་དང་ན་བའི་དུས་ཡུན་ལོ་ཕྱེད་དམ་ལོ་གཅིག་ཡན་འགོར་བ་ཅན་ནི་ནད་འདི་ཡིན་པར་བརྟག་དགོས་སོ། ཕོ་ཤེལ་བརྟག་དཔྱད་ལས་ཅུང་གསལ་བ་མངོན་ཐུབ། ཕོ་བའི་བད་ཀན་དང་འཁྲུལ་སོ་བསལ་བ། ཕོ་བའི་བད་ཀན་ནི་འཚང་ཞིང་སྒྲེག་པ་བྱེད་ལ་ཟས་མི་འཇུ་ཞིང་། ཁྱད་པར་དུ་བསིལ་ཟས་འཇུ་དཀའ་བའི་རིགས་ཟོས་རྗེས་དང་རྔུལ་གྲང་རྗེས་ལ་ན་བ། ཟས་ལ་འཁྲེན་པ་ཞེས་ཟ་འདོད་ཆེ་ལ་ཟོས་འཕྲལ་ཡུན་མ་ལོན་པར་ན་བར་བྱེད་ཅིང་འབྱར་བག་ཅན་དུ་སྐྱུགས་པ་དང་འཁྲུ་བའང་བྱེད། ཡང་ན་ཁ་ཟས་ཟོས་པ་དེ་མ་སྨིན་པར་རྩམ་པ་རང་དུ་འཁྲུ་བ་ལས་འཁྲུལ་སོ་སེལ་ནུས།།
ཕོ་རླུང་དང་འཁྲུལ་སོ་བསལ་བ། སྦོ་ཞིང་སྟོང་སྒྲེག་བྱེད་པ་དང་། འབྲབ་པ་བཞིན་དུ་ན་ཞིང་སྟོང་སྐྱུགས་བྱེད་པ། ཡང་ན་སྒྲ་བཅས་འཁྲོག་ཅིང་འཁྲུ་བ་ཡིན། གསོ་ཚུལ།
 ཕོ་བའི་མེ་དྲོད་བསྐྱེད། བེ་སྣབས་བཞུ།
 བཅོས་ཐབས།
ཟས། ཚ་སྐྱུར་ཤས་ཆེ་རིགས་སྤང་ཏེ་ཚ་གྲང་འདྲེས་བའི་རིགས་བསྟེན་ནས་ཕོ་བའི་མེ་དྲོད་བསྲུང་བ།
སྤྱོད་ལམ། རྩོལ་དྲག་རིགས་སྤང་ནས་རྩོལ་བཅག་བསྟེན་པར་བྱ།
སྨན། སྤྱི་ལ་ཞི་བྱེད་དྲུག་པ་དང་དཀར་པོ་དྲུག་སྦྱོར། བདུད་རྩི་རིལ་དཀར། ཞི་གསེར།དྭགསཔོ་སྨན་ནགདཀར་རུ། རུ་ཞི་སོགས་ནད་རྟགས་དང་བསྟུན་ནས་གཏོང་རྒྱུ་དང་། ན་ཟུག་ཆེ་སྐབས་ཞི་བྱེད་དྲུག་པ། སྦོས་འགྱངས་ཆེ་སྐབས་རུ་ཞི། སྐྱུག་མེར་ལངས་པ་དང་ཁ་ཏིག་ཁ་ན་ཞི་གསེར། སྒྲེག་པ་མང་ཞིང་འཇུ་སྟོབས་ཞན་སྐབས་རུ་རྟ་དྲུག་པ་དང་དཀར་རུ། དྭགས་པོ་སྨན་ནགམ་ཞུ་གྲང་བའི་རིགས་ལ་སྒ་རྒོད་དགུ་བ། མ་ཞུ་གསར་བའི་དུས་སུ་རྒྱམ་ཚྭའི་ཆིག་ཐང་ངམ་རྒྱམ་ཚྭ་བཞི་ཐང་། མ་ཞུ་རྙིང་པར་སེ་འབྲུ་ལྔ་བ་བསྟེན་རྒྱུ། མ་ཞུ་ཆུང་བའི་རིགས་ལ་ཟས་སྨྱུང་བར་གནས་ནས་བཀྲེས་པར་བྱ་བ་དང་། ནང་ནུབ་རྒྱམ་ཚྭའི་ཆུ་བསྐོལ་བཏུང་། འཇུ་དཀའ་ཞིང་གྲང་མོའི་རིགས་སྤང་། ཕྱེ་ཐུག་དང་ཉ་ཤ་ཟན་དྲོན་སོགས་ཡང་དྲོ་འཇུ་སླ་བའི་རིགས་ཉུང་ཤས་བསྟེན། སྤྱོད་ལམ་རླན་གྲང་དང་བསེར་བུ། ཉིན་གཉིད་ལོག་པ་རྣམས་སྤང་ལ་སྐམ་སར་ལུས་དྲོ་བར་བྱས་ཏེ་རྔུལ་ཐོན་ཙམ་གྱི་རྩོལ་བཅག་བྱ། མ་ཞུ་འབྲིང་ལ་རྒྱམ་ཚྭ་བཞི་ཐང་དང་མན་རྒྱུད་སེ་འབྲུ་དགུ་པ་དང་། སེ་འབྲུ་ལྔ་པ་སོགས་གང་འཕྲོད་བསྟེན་པ་དང་རྡོ་དང་སོ་ཕག་ཚྭ་སོགས་ཀྱི་དྲོད་དུགས་བྱ་ཞིང་། གཡུ་སྤྱང་གསའ་སོགས་ཀྱི་པགས་པའི་རྐེད་དཀྲིས་བཅིངས། མ་ཞུ་ཆེན་པོ་ལ་གོང་བཤད་རྒྱམ་ཚྭ་བཞི་ཐང་དང་མངོན་སུམ་མེ་འདྲ་དང་། སྒ་རྒོད་དགུ་པ་སོགས་བསྟེན།
དཔྱད། སྨན་གྱིས་ཞུ་རྗེས་སྟོད་དུ་གནས་ན་སྐྱུགས་ཀྱིས་འདྲེན། སྨད་དུ་གནས་ན་ནི་རུ་ཧས་དྲངས། བར་དུ་གནས་ན་བཤལ་གྱིས་སྦྱངས་པ་སོགས་བྱ་ཞིང་། རྗེས་ལ་ཟས་སྤྱོད་ཉེས་ན་ནད་བསྐྱར་དུ་འཕེལ་ཉེན་ཆེ་བས་གོང་གི་རྐྱེན་སོགས་ཟས་སྤྱོད་ལ་གཟབ་པ་གནད་དུ་ཆེའོ། ། རྒྱུད་ལུང་མན་ངག་སྤྱི་དང་ཁྱད་པར་རང་གི་མཐོང་རྒྱུད་ཕྱག་ལེན་ལྟར་བཅོས་པར་བྱ། སངས་དྲག
 གོང་གི་ནད་རྟགས་རྣམས་ཞི་བ་དང་ལུས་པོ་ཐ་མལ་དུ་ཚུད་པ།
སྐྱེད་ཆེ་བ།
  སྒྱིད་ལུག་ཅིང་ལུས་ལྕི་ལ་ཡི་ག་སྔར་ལས་ལྡོག་པ། དྲི་མ་འགགས་གམ་ཡང་ན་དུས་མིན་འབྱུང་པ། འོག་རླུང་ཐོན་དཀའ་བས་འཁྱིལ་ཞིང་ཁོང་པ་སྦོ་བ་དང་། སྐབས་སུ་འགྱིངས་རྗེས་བོངས་ཆེར་འཁྲུ་བ། དྭངས་མ་དང་སྙིགས་མ་འདྲེས་པས་བཤང་གཅི་ཞག་ཅན་འབྱུང་བ། ཁ་ཟས་གང་ཞིག་ཟོས་དུས་ན་ཞིང་སྒྲེག་པ། མགོ་བོ་ན་བ་སོགས་ཀྱི་བཅས་ཀྱི་ན་ལུགས་ལས་གང་གཙོ་ཆེར་བྱུང་བ་དེ་ཞི་བ་དང་། རྩ་ཆུ་ལྕེའི་རྟགས་རྣམས་ཀྱང་ཕལ་ཆེར་རང་མལ་དུ་ཚུད་པ།
སྐྱེད་ཆུང་བ།
 ན་ལུགས་གཙོ་བོ་དེ་མ་ཞི་བ་དང་། ནད་རྟགས་འགའ་རེ་ཞི་ཡང་གཞོགས་འདེགས་བརྟག་དཔྱད་དང་རྩ་ཆུར་འགྱུར་ལྡོག་ཆུང་བ།
སྐྱེད་མེད་པ།
  ཕན་བསྐྱེད་ཅི་ཡང་མ་བྱུང་བའམ་ཇེ་སྡུག་ཏུ་ཕྱིན།།